Faktoje Albania

Faktoje Albania
Sot në epokën diigjitale, çdokush mund të bëhet objekt i lajmeve të rreme.. Bëj kujdes! Mos Besoj! Verfiko! Fakto!
This video is unavailable.
Ligji për sinjalizimin dhe mbrotjen e sinjalizuesve apo bilbilfryrësve, i mbështetur fort nga BE, po dështon, kur kanë kauar gati 5 vjet nga hyrja në fuqi. Raportimi i rasteve të korrupsionit brenda institucioneve, ku funksionojnë 362 njësi përgjegjëse në sektorin publik dhe 527 në atë privat, mbetet i ulët. Edhe denoncimet që merren në shyrtim ‘firojnë’, për shkak të mosfillimit të hetimit apo shpalljes së moskompetencës. Ndërkohë perceptimi i korrupsionit sipas Transparency International u përkeqësua vitin e fundit. Ekspertë të ligjit e shohin ngërçin te keqfunksionimi i institucioneve të drejtësisë dhe mungesa e kulturës për mbrotjen e sinjalizuesve.
Edhe pse kanë kaluar gati 6 vite nga fillimi i investimit të parë për ndërtimin e tri inceneratorëve dhe janë shpenzuar gati 90 milion euro, qytetet në Shqipëri vijojnë të vuajnë nga mbetjet. Inceneratori i Tiranës dhe Elbasanit nuk është në gjendje pune, ndërsa në Fier, bashkia deklaron se mbetjet i çon për depozitim pranë inceneratorit. Kontrolli i Lartë i Shtetit ka deklaruar për Faktoje, se në inceneratorin e Fierit, nuk është respektuar strategjia për menaxhimin e mbetjeve, dhe Bashkia Fierit ka qenë gati e papërfshirë gjatë gjithë procesit nga venddimmarrja e ndërtimit të inceneratorit deri në vendosjene tij në funksion.
Prej 2013-s partia në pushtet prej atij viti, qeveria aktuale ka qenë prmtimi për ndërtimin e segmentit të Autostradës Adriatiko-Joniane, ku Shqipëria ka rreth 296 kilometra. Zotimi i ri i kryeministrit Rama është që projekti, në vlerën e 3.34 miliardë eurove, të përfundojë në 2026-n. Por afatet e përfundimit lidhen në mënyrë të pashmangshme me kostot e fryra, sipas vlerësimit të ekspertëve që paralajmërojnë se Shqipëria është larg kritereve të BE që të përfitojë fonde. Ndërtimi i korridorit, një pjesë e të cilit është ai Thumanë-Kashar, ka dëshmuar se kostoja e ndërtimit me PPP mund të rrënojë buxhetin e shtetit, i cili ende përballet me pasojat e krizave të njëpasnjëshme që nisëm me tërmetin e 2019-s, pandeminë dhe luftën në Ukrainë.
Paralajmërime pa nisur ende, qeveri e rrëzuar pak orë para nisjes, veto e hequr me vonesë dhe pakënaqësi e akuza në mbyllje. Kështu mund të përmblidhet samiti 2-ditor i Bashkimit Europian, nga i cili Shqipëria dhe Maqedonia e Veriut nuk mundën sërish të merrnin një datë për Konferencën e Parë Ndërqeveritare. “Faktoje” sjell një panoramë të zhvillimeve në Bruksel e një skaner të ecurisë së Shqipërsë drejt BE-së me pedagogët e  marrëdhënieve ndërkombëtare.
Në tri deklarata të ndryshme, deputetja e Partisë Demokratike, njëherazi kryetare e Këshillit Kombëtar për Integrimin Europian, Jorida Tabaku akuzoi se pastrimi i parave dhe nisma e paralajmëruar nga maxhoranca nën emërtimin, “Amnistia fiskale” po cënojnë rëndë integrimin e Shqipërisë në Bashkimin Europian. “Faktoje” bazuar në dokumente të Parlamentit e Këshillit Europian si dhe argumentime të ekspertëve verifikoi këto pretendime.
Më shumë...