Shqipëria për të qenë korrekt ka një “fat të madh” sistemin e përsosur që ka ngec prej ish sistemit komunist, mënyrën e funksionimit të ISHP-së dhe ajo i shpëtoi”.

Kjo ishte deklarata e Menduh Thacit, kryetar i PDSH në Maqedoninë e Veriut në emisionin KlanDebat në 8 qershor. Por sa ka ndikuar mënyra si funksionon Instituti i Shëndetit Publik në Shqipëri dhe mënyra e gjurmimit epidemiologjik?

—————————————————————————————————————————————–

Alban Ylli, ekspert i Institutit të Shëndetit Publik tha për Faktoje se nuk beson se ka të bëjë funksionimi i ISHP që Shqipëria pati më pak raste.

Mbyllja ka qenë pak më e fortë në Shqipëri, ndoshta qarkullimi në komunitet ka filluar disa ditë më parë në Maqedoni. Për momentin nuk shoh dallime thelbësore mes modeleve të shëndetit publik në Maqedoni dhe Shqipëri”, tha Ylli.

Edhe Erion Dasho, ekspert i Shëndetit Publik nuk mendon se është kjo arsyeja pse Shqipëria nuk pati probleme të mëdha me COVID-19.

Nuk është se Shqipëria e menaxhoi mirë situatën e COVID19. Shqipëria arriti që nëpërmjet masave të kufizmit të lëvizjeve, ta mbante të mbyllur popullatën dhe është normale që kur qëndron mbyllur nuk ka transmetim të virusit. Me heqjen e këtyre masave në maj ne kemi një rifillim të transmetimit komunitar. Situata që ishte shumë e mirë në mes të muaj maj i dedikohet karantinës. Mënyra sesi funskionin ISHP apo gjurmimi epidemiologjik nuk ka pasur ndonjë rol në këtë rezultat. Nuk është se Shqipëria është ndonjë model kushedi se çfarë, kur u hoq karantina virusi filloi të shpërnahej si kudo tjetër”, tha ai për Faktoje.

Shqipëria dhe Maqedonia e Veriut në shifra

Sipas të dhënave të Ëorldmeters, në Maqedoni janë raportuar gjithsej 5311 raste me koronavirus që prej fillimit të pandemisë. Ndërkohë, 251 kanë humbur betetjën me virusin.

Momentalisht janë 2048 shtetas të Maqedonisë së Veriut që konsiderohen të shëruar.

Maqedonia e Veriut ka bërë gjtihsej 53,248 testime.

Shqipëria ndërkohë ka shënuar gjithsej 2114 raste me COVID-19 ose sa gjysma e rasteve të Maqedonisë së Veriut.

Edhe sa i përket fataliteteve, pra humbjes së jetëve, Shqipëria regjistron shumë më pak se vendi fqinj, saktësisht 47.

Në Shqipëri, numri i të shëruarve është 1217. Shqipëria ka testuar 21,437 persona gjithsej.

Në Shqipëri ka pasur ankesa dhe debat sa i takon numrit të testimeve ndërkohë Maqedonia e Veriut ka pasur një nga numrat më të mëdhenj të testimeve në rajon.