Inva Hasanaliaj & Edit Nikolli
Gjurmimi I virusit përmes testimeve ka sjellë edhe rritjen e numrit të përsonave të identifikuar që janë pozitiv ndaj Covid -19. Sipas të dhënave nga World Metters për çdo 1 milion banorë kryhen minimalisht 10 mijë teste, një standart I pazbatuar nga vendi ynë I cili ka kapacitete te ulëta edhe në infrastrukturë, 2.5 shtretër për 1 mijë banorë.
Vetëm në dy javët e fundit në vendin tonë numri I personave të infektuar me COVID-19 ka pësuar një rritje të menjëherëshme duke dyfishuar shifrat krahasuar me periudhën e pikut të infektimeve e cila përkoi edhe me priudhën mars-prill.
Të dhënat nga Minsitria e Shëndetësisë:
Rritja e numrit të testeve të kryera nga struktuarat e institucioneve shëndetësore ka sjellë edhe një rritje të numrit të përsonave të prekur nga Covid -19. Në muajin mars numri I testimeve ka qenë 1671, dhe të infektuar 234.Në 22 qershor shënohen kemi 1995 persona të infektuar nga 23,692 persona të testuar.
Rritja shihet jo vetem në totalin e numrit të testimeve akumulative por edhe specifikisht per secilin muaj.
Në grafikun e mësipërm mund të shikohet qartë sesi kurba e infektimeve lëviz në të njëjtën trajektore me atë të testimeve.
Rritja e testimeve ka qenë një prej thirrjeve kryesore edhe nga OBSH që prej muajit mars
Sipas kësaj organizate sa më shumë testime që bëhen, aq më lehtë bëhet gjurmimi I virusit dhe zvogëlimi I transmentimit.
Sipas të dhënave nga World Meters numri I testeve për një million banorë kalojnë mbi 10 mijë të tilla ndërsa Shqipëria vazhdon të jetë nën këtë shifër krahasuar qoftë edhe me vendet e rajonit ku janë vetëm 7 mijë teste.
Për ekspertin e shëndetit publik Erion Dasho testimet pavarësisht nga një rritje e lehtë në qershor, në këtë fazë të epidemisë, numri i tyre duhet të ishte rritur disa herë për të qenë në raport me dinamikat e epidemisë.
“Fakti është se ne nuk kemi testuar sa duhet dhe numri i testeve duhet të rritet të paktën 5 ose 10-të herë që të kemi një përgjigje adekuate. Mos harroni se jemi vendi i fundit në Europë për sa i takon testeve për 1 milion banorë dhe vendi i parafundit ka dyfishin e numrin tonë të testeve.”-shton Dasho
Sipas tij rritja që po shohim në numrin aktual të rasteve ende nuk është shqetësuese, më shumë sesa fakti se situata nuk duket në kontroll. Shqipëria sipas Z.Dasho ka kapacitet të mjaftueshëm për të përballuar deri në dhjetë mijë raste të reja në muaj, por gjithmonë në mënyrë të kontrolluar.
“Në se kemi transmetim në spitale, në administratë dhe në biznese, këto nuk janë shenja të mira, sepse pas tyre vjen transmetimi në shtëpi ku personat që rrezikojnë janë të moshuarit.”-përfundon Dasho.
Shqipëria jo vetëm që ka numrin më të ulët të burimeve njerëzore, por ka një diferencë të thellë me vendet e Ballkanit dhe Europës Lindore, ku numërohen 2-4 mjekë për 1000 banorë. E njëjta situatë vlen edhe për infermierët dhe për numrin e shtretërve. Shqipëria ofron 2,5 shtretër për 1000 banorë, ndërsa mesatarja rajonale është 4 shtretër për 1000 banorë.
Kujtojmë se një pjesë e përsonave të infektuar këto dy javët e fundit kanë qenë kryesisht pacientë të cilët kanë qenë në ambientet e QSUT ose personel mjekësor i cili ka qenë në kontakt me pacientë të infektuar me COVID-19.
Infektimi i mjekëve është një ‘fazë’ mjaft e njohur edhe në nivel global ku epidemiologia e OBSH, Maria Van Kerkhove shprehet se në shumë shtete, 10 përqind e rasteve pozitivë të raportuar janë pjesë e stafeve mjekësore. Van Kerkhove tha që ata që janë infektuar brenda një spitali, shpesh vijnë në kontakt me një pacient në një repart që nuk është i pajisur për të trajtuar të infektuarit me Covid-19.
Të tjerët infektohen pasi kalojnë periudha të gjata kohore në reparte me raste aktive Covid-19, ku ka dhe mungesë të pajisjeve mbrojtjes dhe higjiena është nën nivelin e duhur.
Edhe në vendin tonë nuk kanë munguar problematikat të cilat përfshijnë personelin mjekësor dhe paisjet e mbroitjes si maska doreza apo dezinfektantë.
Edhe sipas ekspertit të shëndetit publik Erjon Dasho për të ndalur përkeqësimin e situatës nevojiten së pari protokollet e parandalimit dhe trajtimit, trajnimi i personelit për t’i zbatuar këto protokolle, furnizimi me pajisje dhe medikamente, si dhe supervizimi që këto protokolle të zbatohen.
“E përsërit edhe njëherë se kjo nuk kërkon çudira, thjesht aftësi organizative”-përfundon Dasho.
Aktualisht në spitalin infektiv aktualisht po trajtohen 76 pacientë, 14 prej tyre janë në terapi intensive, ndërsa 2 janë të intubuar.
