Lugina e Shkopetit, me statusin e Parkut Natyror Rajonal që prej vitit 2013, ka marrë pamjen e një vendgrumbullimi mbetjesh. Si pasojë e reshjeve, një pjesë e mbetjeve ka përfunduar në liqen duke zgjeruar edhe më shumë përmasat e ndotjes. Lugina e Shkopetit, po dëmtohet edhe nga hidrocentrali dhe gërmimi i lëndëve inerte, sipas raporteve zyrtare. Në vitin 2018 u prmtua se Lugina e Shkopetit do kthehej në një atraksion të mirfilltë turistik, mirëpo edhe dy vite pas këtyre zotimeve, projektet ende nuk kanë nisur të zbatohen.
