BallinaFaktometerE PavërtetëAsnjë merak për shëndetin mendor të kryeministrit

Asnjë merak për shëndetin mendor të kryeministrit

Titulli që njofton “shqetësimin” e mjekëve për shëndetin mendor të kryeministrit Rama rezulton i pavërtetë. Verifikimi i “Faktoje” konstaton se bëhet fjalë për një lajm që synon mbledhjen e klikimeve, pa “vrarë” mendjen për dizinformimin.

Jona Plumbi

Shqipëria karakterizohet nga një retorikë e ashpër politike. Akuzat apo ofendimet janë pjesë e së përditshmes mes kundërshtarëve të kampeve politike. Një pjesë e mirë e mediave online përfiton nga kjo, për të “kapur” ata lexues të cilët tërhiqen nga tituj të bujshëm.

Shpesh, këta lexues zbulojnë se ajo çka pretendohet në titull, në të vërtetë nuk është aspak pjesë e lajmit. Kështu ka ndodhur me këdo që ka klikuar lajmin e publikuar në faqen “lajmengavendi.com” me titullin “Mjekët në merak për shëndetin mendor të kryeministrit! Rama thotë se se Berisha po përdoret nga Putin!”

Në të vërtetë, lajmi i publikuar flet për akuzat që kryeministri Edi Rama ka hedhur në drejtim të kryetarit të Partisë Demokratike, Sali Berisha, lidhur me financimin e mundshëm nga shteti rus. Artikulli citon kryeministrin Rama sipas të cilit Sali Berisha është përgjegjës për financimin rus të PD-së, dhe jo Lulzim Basha.

Në asnjë rresht të lajmit të publikuar, nuk përmendet “meraku i mjekëve për shëndetin mendor të kryeministrit” ashtu siç njofton bujshëm titulli i artikullit, duke e kthyer lajmin në një “karrem klikimesh” dhe jo informacion të vlefshëm për lexuesit.

Lajmi publikohet në kuadër të bashkëpunimit mes Faktoje dhe Facebook për të luftuar dizinformimin
Jona Plumbi
Jona Plumbi
Gazetare me eksperiencë 10-vjeçare në median vizive dhe atë të shkruar. Diplomuar për shkenca politike në nivelin bachelor, ajo kreu studimet e masterit shkencor për Politikat Rajonale të Europës Juglindore në Universitetin e Tiranës, ku ishte pjesë edhe e rrjetit të studentëve ekseletë të UT (NES). Gjatë karrierës së saj Jona ka punuar në fusha të ndryshme të komunikimit publik, si reportere terreni për çështje të aktualitetit politik në televizionin informativ “ABC News”, redaktore e lajmeve në “Euronews Albania” apo si eksperte e komunikimit për zyrtarë të lartë si Presidenti i Dhomës Amerikane të Tregtisë

Të fundit

Më të lexuarat

spot_img