Një video që po qarkullon në rrjete sociale duket se tregon një makinë të fillim-shekullit të 20-të duke ecur pa pilot, ose me pilot automatik. Verifikimi i “Faktoje” zbuloi se klipi është pjesë e një video më të gjatë që tregon se makina ishte duke u ngarë nga një shofer i fshehur.
———————————————-
Një video që duket se tregon një makinë me pilot automatik në fillim të shekullit të kaluar po qarkullon nëpër rrathët konspiracionistë. Në një postim ajo shoqërohet me përshkrimin: “Makinë elektrike me pilotim automatik (1930). Vërtet duhet të besojmë në gënjeshtrat që na servirin sot mbi teknologjinë e avancuar?”
Megjithëse eksperimente me makinat pa shofer janë kryer që në vitet 1920, klipi i mësipërm nuk tregon një makinë të tillë.
“Faktoje” nuk arriti të gjejë origjinën e videos, apo vitin kur është filmuar apo prodhuar.
Megjithatë, arrtiëm të gjejmë një version më të gjatë të klipit, i cili përfundon duke treguar marifetin që mashtroi konspiracionistët: një person i fshehur nën pjesën e përparme të makinës, i mbuluar nga një copë, i cili ishte duke ngarë mjetin përgjatë gjithë videos.
Poshtë gjeni versionin e plotë të videos:
