Pretendimi: Kjo video tregon një festim patriotik në Tiranë, Shqipëri më 17 tetor 2026
Verdikti: Mungon konteksti
———————————————————————–
Një video (arkivuar këtu) që ka marrë mbi 14 mijë pëlqime në Instagram pretendohet se tregon një festim të dhunshëm patriotik në Tiranë natën e 17 tetorit 2026.
E njejta video është botuar edhe me pretendimin se tregon pamje nga protestat e studentëve në Shqipëri në tetor 2026.
Megjithatë, asnjë nga këto pretendime nuk është i vërtetë.
Me anë të motorit të kërkimit pamor Google Lens, Faktoje gjeti se video e mësipërme është botuar qarkullon në rrjet që një vit më parë, në tetor 2025.
Sipas raportimeve të mediave vendase, ngjarja në video ka ndodhur në Prishtinë, Kosovë, gjatë ndeshjes Serbi-Shqipëri që u luajt më 11 tetor 2025 në Leskovac.
Në atë kohë, mediat shkruanin se, pas golit të Rei Manajt që e çoi rezultatin 0-1 në favor të Kombëtares shqiptare, një person kishte shkrepur armën në ajër. Pas kësaj ai ishte vënë në pranga nga policia e Kosovës.
