Video e manipuluar e Biden gjatë fjalimit përkujtimor për sulmin ndaj Kongresit

1419

Video më e fundit që tenton të provojë se presidenti amerikan Joe Biden ka probleme fizike për shkak të moshës së tij rezulton se është manipuluar qëllimisht. Programet kompjuterike kanë ndryshuar qëllimisht pamjen e Biden gjatë fjalës së tij në përkujtimin e sulmit nga mbështetësit e Trump ndaj Kongresit. 

———–

Një video e modifikuar e presidentit amerikan Joe Biden po qarkullohet në rrjetet sociale si e vërtetë. Në të, tregohet Biden gjatë një fjalimi me tipare të përçudnuara. Kjo i përshtatet narrativës së përdorur shpesh kundër Biden që e etiketon atë si shumë plak për të qenë i aftë të kryejë funksionin e tij, por edhe teorive më ekstreme konspiracioniste që pretendojnë se Biden (dhe “elita të tjera globaliste”) janë në të vërtetë klone, robotë, apo alienë me tipare zvarranikësh.

Abonohu në newsletter

Merr lajmet më të fundit direkt në email.

Klipi është i 6 janarit 2023, marrë nga një fjalim që Biden mbajti në një përkujtimore që shënonte kalimin e dy viteve nga ngjarjet e 6 janarit 2021 në Washington DC. Në klipin origjinal, fytyra e Biden është normale.

“Faktoje” krahasoi videon e modifikuar me atë origjinale për të treguar më qartë se kemi të bëjmë me një manipulim.

*Lajmi publikohet në kuadër të bashkëpunimit mes Faktoje dhe Facebook për të luftuar dizinformimin