Tiranë, Janar 2023
Për të dytin vit radhazi, në kuadër të projektit “Forcimi i Gazetarisë Fact Checking në Shqipëri” mbështetur nga programi MATRA i Ministrise se Jashtme te Mbreterise se Vendeve te Ulta, Faktoje hap thirrjen për konkursin kombëtar për 10 shkrime me profil fact checking. Çmimi i parë mban emrin e gazetarit të spikatur për integritetin e tij dhe për brumosjen e brezave të gazetarëve të ardhshëm, Fatos Baxhaku.
Tema:
- Në verifikimin e premtimeve apo deklaratave të zyrtarëve publikë, që prekin shtresat më vulnerabël të shoqërisë.
- Verifikimin e lajmeve dizinformuese lidhur me krizën e ekonomike, post-pandeminë, arsimin, drejtesinë
Përmes kësaj thirrjeje për shprehje interesi kërkohet të angazhohen 10 gazetarë, nga të gjitha rajonet e vendit.
Prezantimi i konkursit:
Ky konkurs ka për qëllim të nxisë hulumtumin dhe raportimin përmes zbatimit të metodologjisë Fact Checking, me qëllim rritjen e kapaciteteve fakt-verifikuese të gazetarëve dhe nxitjen e të menduarit kritik tek audienca, për çështjet me impakt publik.
Aplikimet do të priten nga 19 janar 2023 deri më 3 shkurt 2023 ora 23:59.
Procedura e aplikimit:
Kandidatët e interesuar duhet të dërgojnë një CV dhe të plotësojnë formularin më poshtë, duke i dërguar në adresën e-mailit: info@faktoje.al deri në datën 3 shkurt 2023. Kandidatët e përzgjedhur do të njoftohen pas kësaj date.
*Gazetarët që aplikojnë duhet të sjellin ide mbi temat e sugjeruara më lart, para se të procedojnë me shkrimet.
Shkrimet do të publikohen në faqen e Faktoje dhe një juri e përbërë nga gazetarë profesionistë që përzgjedhë 3 shkrimet më të mira, të cilat do të shpallen në 2023.
Kujt i drejtohet kjo thirrje:
Të gjithë gazetarëve, që janë të interesuar në raportimin fact checking, duke u bazuar në metodologjinë e zbatuar nga Faktoje.
