Qarku i Vlorës i siguron 12 deputetë Parlamentit të vendit. Numri i mandateve në këtë qark ka mbetur i pandryshuar gjatë 2 zgjedhjeve të fundit në numrin e 12 mandateve elektorale, mandatet të cila do të ruhen edhe gjatë zgjedhjeve 2021. Nga ana tjetër, numri i zgjedhësve që kanë votuar ka ardhur në rënie, nga 123.071 ose 41.91% në vitin 2013, në 110.760 ose 35.96% në vitin 2017. Edhe në zgjedhjet e sotme, deri në raportimin e orës 12:00 nga KQZ, pjesëmarrja e votuesve në Vlorë, me vetëm 13.79%, është shumë më e ulët se mesatarja në rang vendi (27.18%)
