Kuvendi i Shqipërisë diskutoi gjatë mbi projektligjin ‘antishpifje’, që pati dakordësinë e maxhorancës dhe kundërshtinë e opozitës. Jashtë dyerve të parlamentit gazetarët, të mbështetur edhe nga organizata të shoqërisë civile dhe aktivistë protestonin, ndërsa kryeministri Rama rendiste argumenta pro draftit dhe akuza të njëpasnjëshme për median ‘online’. Ai inkurajoi rolin që merr AMA dhe Këshilli i Ankesave, ndër nenet e kundërshtuar prerazi nga gazetarët. Më herët, para seancës në Kuvend, Rama shperndau përmes pofilit të tij në rrjetin social Twitter draftin e ‘antishpifjes’.
