Pretendimi: Në disa shtete të ShBA ku eklipsi do jetë i plotë, guvernatorët kanë shpallur gjendje emergjence. Kjo nënkupton se diçka katastrofike do të ndodhë gjatë eklipsit e 8 prillit.
Verdikti: Mungon konteksti
————————————————–
Në hapësirat konspiracioniste online po qarkullon pretendimi se NASA e djallëzuar po planifikon diçka makabre në ditën e eklipsit diellor, më 8 prill. Si ‘provë’ për këtë sillen parapërgatitjet e shteteve ku eklipsi do të duket plotësisht.
Eklipsi i plotë diellor do të jetë i dukshëm në një rrip të ngushtë nga Meksika perëndimore, përmes Shteteve të Bashkuara dhe në Kanada më 8 Prill. Në vendet përgjatë “rrugës së tërësisë”, aty ku mund të shihet më së miri linjëzimi astronomik, eklipsi i plotë do të zgjasë katër minuta e gjysmë. Hera e fundit që SHBA përjetoi një eklips total ishte në Gusht 2017 dhe mundësia tjetër për të parë një të tillë në SHBA do të jetë në Gusht 2044.
Agjencitë kombëtare dhe qeveritë vendase janë përgatitur për ndikimin që do të ketë ngjarja në qytezat përgjatë rrugës së eklipsit total për shkak të numrit të vizitorëve që priten në ato vende.
Përpara eklipsit të pjesshëm në 2023 dhe eklipsit total në 2024, Departamenti i Transportit i SHBA-së publikoi një udhëzues që shpjegon: “Për shkak se një eklips diellor është një lloj relativisht i rrallë i ngjarjeve të veçanta të planifikuara, ai mund të gjenerojë vëllime të mëdha trafiku për të cilat departamentet shtetërore dhe lokale të transportit (DOT) do të duhet të përgatiten.” Udhëzuesi gjithashtu vuri në dukje se eklipsi total në 2017 “krijoi vonesa dhe radhë në zonat rurale ndërshtetërore dhe autostradat në të gjithë vendin”.
Departamenti i shëndetësisë i kontesë Oswego, Nju Jork, si shumë qarqe që do të kenë një pamje të eklipsit total, ka sugjeruar që banorët të mbushin serbatorët me benzinë dhe të blejnë sende ushqimore përpara se vizitorët të mbërrijnë në zonë. Lorain County, Ohio, ka këshilluar se sinjalet telefonike mund të humbasin “për shkak të mbingarkesës së sistemit” të shkaktuar nga fluksi i vizitorëve. Shumë shkolla do të mbyllen ose do dalin herët për t’i lejuar studentët të përjetojnë eklipsin.
Është e vërtetë që Travis County, Texas, lëshoi një deklaratë fatkeqësie më 8 mars. Qyteti i Lago Vista shpjegoi pse në faqen e tij të internetit më 11 mars: “Gjyqtari Travis Andy Broën shpalli një gjendje lokale fatkeqësie në pritje të turmave jashtëzakonisht të mëdha, trafik të rënduar dhe barrë e shtuar mbi spitalet dhe rrugët meqenëse jemi në rrugën e tërësisë së eklipsit. Kjo deklaratë e fatkeqësisë do t’u lejojë reaguesve të parë dhe zyrtarëve të sigurisë publike të menaxhojnë më mirë trafikun dhe turmat, pasi pritet që popullsia jonë të dyfishohet në madhësia për këtë fenomen”
Trupat e Gardës Kombëtare të Oklahoma do të jenë vërtet në gatishmëri gjatë ngjarjes dhe një deklaratë nga Garda shpjegoi rolin e tyre.
“Menaxhmenti i Emergjencave të Qarkut McCurtain kërkoi mbështetjen tonë sepse ata presin deri në 100,000 njerëz të tjerë që vizitojnë komunitetet e tyre për të parë eklipsin,” tha nënkoloneli Jabonn Flurry, komandanti i Ekipit të Mbështetjes Civile të 63-të, në një njoftim për shtyp të 18 marsit nga Garda Kombëtare e Oklahoma.
Në njoftimin për shtyp thuhet gjithashtu, “Në rast të një emergjence HAZMAT si një zjarr industrial që kërkon trajnim të specializuar, burimet e CST-së 63 do të përgjigjen, duke lejuar punëtorët vendas të urgjencës të vazhdojnë ndihmën e tyre për qytetarët dhe rritjen e pritshme të vizitorëve.”
Kjo nuk është hera e parë që qeveritë vendore përgatiten për ndikimin e një eklipsi. Zyra e Menaxhimit të Emergjencave në Oregon u përgatit një vit përpara eklipsit të 2017-ës. Shërbimi Kombëtar i Parqeve këshilloi furnizimin me ushqim, ujë dhe gaz në përgatitje për të parë eklipsin e vitit 2017 në Parkun Kombëtar Grand Teton. Shteti i Wyoming përjetoi gjithashtu bllokime të paprecedente të trafikut pas eklipsit atë vit.
Pra, shtetet ku eklipsi do të shihet në tërësi janë duke u përgatitur për një fluks të pazakontë vizitorësh që do ndjekin eklipsin, dhe jo ndonjë ngjarje katastrofike të planifikuar tinëz nga NASA.
