Sot shqiptarët janë thirrur për të zgjedhur 61 kryetarët e rinj të bashkive. Procesi zgjedhor, i cili ka nisur që në orën 07:00, është karakterizuar nga disa problematika dhe një pjesëmarrje më e ulët se ajo e zgjedhjeve të vitit 2021.
Mosfunksionimi i pajisjes së identifikimit elektronik
Që në momentet e para të fillimit të procesit të votimit, në një pjesë të qendrave të votimit u raportua se pajisja e identifikimit elektronik nuk punonte. Edhe kreu i Komisionit Qendror të Zgjedhjeve, Ilirjan Celibashi, nuk mundi të votojë në qendrën e votimit në shkollën ‘Dëshmorët e Lirisë’.
Që në nisje të procesit të votimit u raportua për probleme me pajisjen e identifikimit pothuajse në të gjitha qarqet e vendit. Problematika u hasën në Tiranë, Korçë, Vlorë, Fier, Berat, Elbasan, Kamzë, Shijak, Kavajë, Shkodër, Himarë, Dibër, Pogradec, Lezhë. Për të zbllokuar procesin kryekomisioneri Celibashi urdhëroi që në qendrat e votimit ku nuk punon pajisja elektronike, të vijojë procesi me identifikimin manual.
Prezenca e personave të paautorizuar në qendrat e votimit
Një tjetër problematikë që po e shoqëron këtë proces zgjedhor është dhe pjesëmarrja e personave të paautorizuar në qendrat e votimit. Qoftë nga raportimet në media, por dhe nga vëzhgimi i bërë nga Qëndresa Qytetare është vënë re: “Prezenca e numrit të lartë të personave të paautorizuar, jo nga KQZ të cilët shoqërojnë, orientojnë dhe komunikojnë me votues” . Kryekomisioneri Celibashi e konsideroi si intimidim dhe presioni ndaj votuesve prezencën e personave të paautorizuar.
Incidente të raportuara në polici
Procesi zgjedhor është shënjuar gjithashtu nga disa incidente të raportuar në polici. Kandidati i PS-së, Erion Isai është goditur gjatë orëve të mbrëmjes nga një simpatizant i PD-së, pranë fshatit Qinam të Kolonjës. Isai ka qenë duke ecur me mjetin e tij kur e kanë ndalur në rrugë dhe është goditur. Nuk ka pasur ndërhyrje nga shoqëruesit e Isait, por është njoftuar policia, e cila ka shoqëruar agresorin.
Fushë-Krujë
Policia raporton për incidente në Fushë-Krujë dhe Durrës. Sipas komunikimit zyrtar nga Policia e Shtetit, në Fushë-Krujë një person ka goditur me grusht anëtarin e komisionit të votimit, për radhën e votimit.
Në Durrës janë shënuar dy incidente, që kanë kërkuar ndërhyrjen e policisë. Referuar të dhënave nga autoritetet një incident është shënuar në korridorin e qendrës së votimit 1430-2 në qytetin bregdetar, ku një qytetar është dhunuar fizikisht nga 3 persona.
Kuçovë
Policia raporton se është proceduar penalisht kandidati I PD-së në Kuçovë, Lefter Maliqi. Sipas policisë së Kuçovës, mbrëmjen e djeshme, pas marrjes së kallëzimit nga shtetasi Sh. Sh., se shtetasit L. M. dhe M. H. e kishin fyer me fjalë, i kanë shoqëruar në Komisariat, këta dy shtetas, si dhe kanë njoftuar prokurorin e gatshëm, në lidhje me këtë rast.paautorizuar që pengonin zhvillimin normal të procesit të votimit.
Pjesëmarrja në zgjedhje më e ulët e ajo e 2021
Për zgjedhjet lokale 2023 janë regjistuar gjithsej 3,650,550, ndërsa 122,545 janë votues për herë të parë. Nga të dhënat e publikuara nga ana e KQZ, pjesëmarrja në votime për është më e ulët se ajo e zgjedhjeve të 2021.
Ndarja e bashkive sipas numrit të zgjedhësve
Sipas të dhënave, 9 prej bashkive kanë më shumë se 100 mijë votues. 7 bashki kanë 100-50 mijë votues, 41 bashki kanë nga 50-10 ijë votues, ndërsa 4 bashki më pak se 10 mijë votues.
Ambasadorët e huaj, thirrje për pjesëmarrje në votime
Krahas politikëbërësve shqiptar edhe përfaqësuesit e ambasadave të huaja gjithashtu janë duke vëzhguar dhe monitoruar procesin e votimit. Ata kanw apeluar për pjesëmarrje në votime.
Ambasadorja e BE-së në Shqipëri, Christiane Hohmann nga qyteti i Elbasanit, ku zhvillohet votimi dhe numërimi elektronik, u shpreh se: “Dëshira dhe urimi im për ditën e sotme Esther që shumë njerëz të dalin dhe të hedhin votën e tyre”. Gjithashtu ambasadorja amerikane, Yuri Kim u ka bërë thirrje autoriteteve që të zbatojnë të gjitha ligjet dhe rregulloret në mënyrë të drejtë dhe të barabartë. Gjithashtu Kim u ka bërë thirrje qytetarëve që të shprehin vullnetin e tyre me votë.
Liderët më të rëndësishëm politik në Shqipëri, që nga presidenti Bajram Begaj, kryeministri Edi Rama, kandidatët për keybashkiakë në të gjitha bashkitë i janë drejtuar sot qendrave të votimi duke bërë thirrje për të marrë pjesë në process.
Pesha e votës: Sa vota duhen për një mandat këshilltari
Krahas zgjedhjes se 61 kryebashkiavëe në këto zgjedhje votohet dhe për mandatet e këshilltarëve të Këshillave Bashkiakë. Krahas zgjedhjes se 61 kryebashkiakëve në këto zgjedhje votohet dhe për mandatet e këshilltarëve të Këshillave Bashkiakë. Faktoje ka përllogaritur se sa vota duhet për një mandat për këshilltar në Këshillin Bashkiak, ku në Tiranë duhen 11,455 vota.
