BallinaPertejVerifikimi i lajmeve në FacebookMeloni nuk premtoi 1 mijë euro për çdo italian me ardhjen në pushtet

Meloni nuk premtoi 1 mijë euro për çdo italian me ardhjen në pushtet

Pretendimi: Meloni premtoi 1 mijë euro për italianët, por nuk e mbajti këtë premtim

Verdikti: Mungon konteksti

Në rrjetet sociale në vendin tonë është shpërndarë një video, ku kryeministrja e Italisë, Giorgia Meloni dëgjohet duke thënë se do të japë 1 mijë euro për çdo qytetar italian. Mirëpo, video është prerë për të mos dhënë më tepër detaje për çfarë do të jepen këto para. Ndërkohë, në mbishkrimin e videos aludohet se ky ishte një premtim i pambajtur i Melonit.

Në këtë video janë të bashkëngjitura dy video. E para është e kryeministres së Italisë aktuale që para se të vinte në pushtet gënjente duke premtuar italianëve 1 mijë euro menjëherë”-shkruajnë përdorues në rrjetet sociale.

Postimet e shpërndara në rrjetet sociale

Në bëmë një verifikim të këtyre pamjeve, ku rezulton se video i përket vitit 2020. Në video, Meloni, asokohe thjesht lidere e “Fratelli d’Italia” i kërkoi kryeministrit Giuseppe Conte që të jepte 1 mijë euro menjëherë për qytetarët, për të trajtuar emergjencën e krijuar për shkak të pandemisë së Covid-19 dhe mbështetur ekonomisht italianët.

Konkretisht, ajo kërkonte që të gjithë italianëve që kanë më shumë nevojë, ndoshta për shkak se kishin mbetur pa punë dhe pa të ardhura, t’u depozitoheshin 1 mijë euro nga shteti italian.

“Mendoj se qeveria duhet të depozitojë menjëherë 1 mijë euro në llogarinë rrjedhëse të atyre që e kërkojnë. Kjo dispozitë duhet të zbatohet për ata që kanë humbur vendet e punës dhe e kam fjalën edhe për të vetëpunësuarit”, deklaronte ndër të tjera Meloni.

Pra, ndryshe nga çfarë pretendohet në postimet e shpërndara online, ky nuk ishte një premtim elektoral i Giorgia Meloni për italianët, por një kërkesë që ajo i kishte bërë qeverisë në mars të vitit 2020 për të mbështetur qytetarët e prekur finaciarisht gjatë pandemisë së Covid-19. Skema të tilla mbështetëse praktikuan vende të ndryshme në botë në muajt e para të mbylljes totale për shkak të pandemisë.

Ilda Hoxha
Ilda Hoxha
Gazetare Ka përfunduar studimet në nivelin “Bachelor” për “Gazetari dhe Shkenca Komunikimi” në “Universitetin e Tiranës” dhe studimet në nivelin “Master Shkencor” në drejtimin “Marketing Mediatik”. Ka punuar si gazetare në “Top Albania Radio” në periudhën janar 2013-dhjetor 2014. Ka punuar si gazetare në “Gazetën Shqip” në print për çështjet sociale në periudhën dhjetor 2014- korrik 2016. Në periudhën shkurt 2015-gusht 2017 ka punuar për “Votra Magazine”, ku ka mbuluar pjesën e marketingut të saj, por edhe shkrimin e artikujve me karakter kulturor dhe promovues për Shqipërinë. Ka punuar si redaktore në “Gazetën Shqip Online” në periudhën korrik 2016-deri më 19 maj 2021. Në periudhën qershor-gusht 2021 ka punuar si gazetare në emisionin “Pushime On Top” në Top Channel.

Të fundit

Më të lexuarat

spot_img