KLEVIS PALOKA
“Numri i turistëve në trashëgiminë kulturore për dy muajt e parë të 2018-ës është rritur me 91% krahasuar me vitin 2017”- kështu deklaronte nëpërmjet një postimi në Twitter duke e shoqëruar me video, ministrja e Kulturës, Mirela Kumbaro në 21 Mars 2018.
Dita e mbare duket qe ne mengjes?
Shume premtues 2018 per turizmin kulturor ne Shqiperi qe ne dy muajt e pare te vitit.#TrashegimiKulrurorepic.twitter.com/Cc3BEcshXK— Mirela Kumbaro (@MirelaKumbaro) March 21, 2018
Duke u nisur nga kjo deklaratë, “ Faktoje” dërgoi një kërkesë tek Ministria e Kulturës për ta pyetur për numrin e turistëve që kishin vizituar vendet e trashëgimisë kulturore si në dy muajt e parë të vitit 2017 ashtu dhe për dy muajt e parë të vitit 2018.
Sipas Ministrisë së Kulturës, numri i përgjithshëm i turistëve që vizituan vendet e trashëgimisë kulturore për dy muajt e parë të vitit 2017 ishte 13593 vizitorë, ndërsa numri i turistëve për dy muajt e parë të 2018 ishte 26.892 vizitorë.
Në bazë të llogaritjeve, numri i turistëve është rritur me 49.45% dhe jo 91% ashtu siç deklaronte ministrja Kumbaro dhe duke u bazuar edhe nga të dhënat e dërguara nga vetë Ministria e Kulturës, një deklaratë e tillë rezulton të jetë GËNJESHTËR.
