Pretendimi: Mbreti Charles ka vdekur dhe do të jetë mbreti i fundit në Britaninë e Madhe
Verdikti: E pavërtetë
————————————————–
Njoftimi publik për sëmundjen e rëndë që ka prekur mbretin Charles III të Britanisë së Madhe, ka shërbyer si nxitje për qarkullimin e teorive të shumta konspirative. Një prej tyre është edhe pretendimi se mbreti ka vdekur tashmë, por ende ky lajm mbahet i fshehtë.
Postimi shoqërohet edhe me parashikimin se ky do të jetë mbreti i fundit në Britaninë e Madhe.
Si provë për lajmin e vdekjes së Charles, postimit i është bashkëngjitur një dokument i pretenduar nga Buckingham Palace që shkruan thjesht: “Mbreti vdiq papritur dje pasdite.” Dokumenti i supozuar mban datën 18 mars 2024.
Megjithatë, një kërkim i thjeshtë në faqen zyrtare të Buckingham Palace tregon se një njoftim i tillë nuk ekziston.
Më 18 mars, Ambasada Britanike në Ukrainë përgënjeshtroi lajmin e vdekjes së Charles në Twitter pas publikimit të lamit të rremë në mediat ruse.
Charles, i cili ka qenë duke iu nënshtruar mjekimit kundër kancerit që në muajin shkurt, u fotografua mëngjesin e 19 marsit, dy ditë pasi pretendohet që kishte vdekur.
Mbreti Charles, 19 mars 2024
Po më 19 mars, Charles mirëpriti disa veteranë të Luftës në Kore në pallatin mbretëror.
Mbreti Charles, 19 mars 2024
