Pretendimi: Elon Musk do të blejë CNN për 3 miliardë dollarë
Verdikti: E pavërtetë
————————————————————–
Në 8 nëntor 2024, portali versus.al botoi një artikull ku pretendonte se miliarderi Elon Musk do të blejë rrjetin mediatik amerikan CNN, e rreshtuar si një media kritike ndaj Donald Trump.
Ky lajm duket se e ka origjinën në një artikull të botuar më 18 tetor në faqen Spacexmania, e cila përshkruan misionin e saj si “t’ju sjellë lajmet më të freskëta të rreme dhe një dozë të mirë satire.”
Mariana Piñango, drejtore e komunikimit të lajmeve në CNN, tha për Reuters: “Nuk ka asnjë të vërtetë në thashethemet për një shitje apo ndryshim në pronësinë e CNN. Çdo deklaratë për të kundërtën është krejtësisht e rreme.”
As Elon Musk, dhe as kompania e tij Tesla nuk kanë lëshuar ndonjë njoftim lidhur me blerjen e CNN.
