Pretendimi: Kjo video tregon presidentin francez Emmanuel Macron duke lustruar këpucët e Donald Trump
Veridkti: Gjeneruar me AI
————————————————————-
Në rrjetet sociale shqipfolëse po qarkullon një video që duket se tregon presidentin francez Macron duke fshirë me përkushtim këpucët e Donald Trump. Këto pamje publikohen pas vizitës së Trump në Paris që prej fitores së zgjedhjeve, si një nga ftuarit e ceremonisë së rindërtimit të katedrales së Notre Dame.
Me anë të motorit të kërkimit pamor Google Lens, Faktoje gjeti se video e mësipërme është postuar fillimisht në TikTok dy ditë më parë nga përdoruesi, nofka e të cilit duket dhe në video, vrhunskeprice.
Video është etiketuar nga vetë përdoruesi si e gjeneruar me programe të inteligjencës artificiale (AI), në përputhje me politikat e TikTok që kërkojnë që përdoruesit të tregojnë cilat video kanë përmbajtje realiste të krijuar nga AI.
Përdoruesi vrhunskeprice ka ngarkuar edhe video të tjera të gjeneruara me AI që tregojnë, ndër të tjera, Trump dhe presidentin rus Putin duke luajtur muzikë tradicionale rome, duke punuar si bojaxhinj dhe duke u kapur për dore pasi bëjnë një plak prej dëbore dhe takojnë Babagjyshin e Vitit të Ri.
