Home Pertej Verifikimi i lajmeve në Facebook Qeveria japoneze nuk kërkoi falje për vaksinimin anti-Covid

Qeveria japoneze nuk kërkoi falje për vaksinimin anti-Covid

0
Qeveria japoneze nuk kërkoi falje për vaksinimin anti-Covid

Pretendimi: Qeveria japoneze u kërkoi falje qytetarëve të saj për pasojat katastrofike të vaksinave kundër Covid-19.

Verdikti: E pavërtetë

——————————————————-

Në rrjetet sociale po qarkullon pretendimi se qeveria japoneze u ka kërkuar falje qytetarëve, duke pranuar se “dhënia e vaksinave për COVID-19 ka sjellë pasoja të paparashikueshme dhe katastrofike.”

Artikulli i mësipërm i referohet një deklarate nga “Kazuhiro Haraguchi, ish-ministri i Brendshëm i Japonisë”, i cili “kërkoi falje për cunamin e vdekjeve që ndodhën në mesin e popullsisë së vaksinuar, duke thënë ‘Ju kërkoj falje të gjithëve. Kaq shumë kanë vdekur dhe nuk duhet të kishin ikur’.”

Abonohu në newsletter

Merr lajmet më të fundit direkt në email.

Në fakt, Kazuhiro Haraguchi është pjesëtar i Partisë Kushtetuese Demokratike të Japonisë, partia kryesore opozitare e vendit. Ai ka shërbyer si Ministër i Brendshëm në 2009. Tani, ai nuk mban ndonjë pozicion ekzekutiv dhe nuk ka qenë pjesë e qeverisë gjatë pandemisë Covid-19, sipas biografisë në faqen e tij zyrtare. 

Ai nuk mban ndonjë post drejtues në parti, nuk është pjesë e qeverisë dhe nuk ka pasur asnjë përfshirje në masat për të luftuar pandeminë Covid-19 në vend.

Si rrjedhim, deklaratat e tij nuk pasqyrojnë dhe nuk mund të përshkruhen si pozicioni zyrtar i qeverisë japoneze. Në fakt, Japonia vazhdon të rekomandojë vaksinimin kundër Covid-19.