FAKTOJE
Nga tërmeti i së martës është thelluar bilanci i viktimave, duke shkuar në 49. Shifrën e publikoi Kryeministri Edi Rama në një mbledhje të mbajtur mëngjesin e kësaj të premteje. Sipas të dhënave zyrtare të komunikuara nga kryeministri:
25 viktima janë shënuar në Durrës
23 në Thumanë
1 në Laç.
Numri i banesave të dëmtuara dhe shkatërruara në qarkun e Tiranës dhe Durrësit është 1151.
Në Durrës:
701 banesa të dëmtuara
12 të shkatërruara
176 pallate të dëmtuara.
Në Tiranë:
15 banesa të shkatërruara
239 të dëmtuara
8 pallate jashtë përdorimit
61 pallate të dëmtuar rëndë
Gjatë këtij komunikimi kryeministri deklaroi zgjerimin e hartës ku vendoset gjendja e jashtëzakonshme ku nga sot, përveç Tiranës dhe Durrësit përfshihet edhe Laçi. Zotimi i kryeministrit është strehimi i banorëve të mbetur jashtë nga shkatërrimet që solli tërmeti, nëpër hotele. Deri më tani shumë banorë të prekur nga tërmeti kanë zgjedhur të rrinë në çadrat e ngritura pranë zonave të goditura nga goditja sizmike 6.4 shkalla rihter. Një nga pasojat e rënda të tërmetit, përveç viktimave dhe dëmeve që la pas, është gjendja e shokut tek njerëzit.
