Pas përfundimit të numërimit të kutive për partitë politike, është qartësuar përfundimisht ndarja e numrit të mandateve për Parlamentin e ardhshëm të Shqipërisë. PS u rikonfirmua si maxhorancë me 74 mandate, I njëjti numër që kishte në 2017, ose një rritje +9 mandate nga viti 2013. PD ka rifituar forcë në parlament me një rritje +16 mandate nga viti 2017. LSI, ka humbur 15 mandate nga viti 2017, duke u rikthyer në shifrat e vitit 2009. PSD është një nga surprizat e zgjedhjeve të 25 prillit, duke trefishuar mandatin e saj të vitit 2017. Pjesëmarrja, në ndryshim nga sa u raportua fillimisht, është më e vogël se ajo e vitit 2017, me një diferencë minimale.
