Pretendimi: Joe Biden u poshtërua duke u vendosur në rreshtin e fundit të fotos së liderëve botërorë në samitin APEC
Verdikti: Mungon konteksti
——————————————————————-
Në rrjete sociale, përfshi ato shqipfolëse, po shpërndahet foto e liderëve botërorë që ishin të pranishëm në samitin APEC në Peru, krahas pretendimit se presidenti amerikan Joe Biden ishte lënë në rreshtin e fundit, në cep të fotos, për ta poshtëruar.
Foto e mësipëme është shkrepur në fund të samitit dhe në të kanë dalë krerët e shteteve pjesëmarrëse në samit.
Liderët në foto nuk janë rreshtuar sipas rëndësisë së tyre, por sipas rendit alfabetik.
Kështu, rreshti nis me Anthony Albanese, kryeministrin e Australisë, vijon me Hassanal Bolkiah, kryeministrin e Bruneit, Justin Trudeau nga Kanadaja (Canada), Gabriel Boric nga Kili (Chile), Xi Jinping nga Kina (China), dhe përfundon me Paetongtarn Shinaëatra nga Tailanda, Joe Biden nga ShBA (USA), dhe Lương Cường nga Vietnami.
Kjo praktikë është ndjekur zakonisht për fotot e samitit edhe me paraardhësit e Joe Biden, dhe si pasojë e saj, disa presidentë amerikanë janë gjendur në rreshtin e dytë të fotove nga APEC.
Donald Trump në rreshtin e dytë
Barack Obama në rreshtin e dytë
George W. Bush në rresht të dytë
