Pretendimi: Gazetari Enkel Demi ka ndërruar jetë.
Verdikti: E pavërtetë
—————————————————————–
Një postim në Facebook njofton vdekjen e trishtueshme të gazetarit shqiptar, Enkel Demi, ndërsa lexuesit ftohen të klikojnë një lidhje në komente për të mësuar më shumë.
Megjithatë, lexuesit nuk duhet të alarmohen. Ky lajm është i rremë. Nuk ka ndonjë njoftim zyrtar nga familja e Demit për humbje jete.
Vetë Demi ka përgënjeshtruar në mënyrë humoristike lajmin në emisionin e mëngjesit të 12 janarit 2026.
Artikulli keqinformon me qëllim mbledhjen e sa më shumë klikimeve në mënyrë jo etike.
Faktoje ka përgënjeshtruar edhe më parë lajme për vdekjen e rreme të personave të njohur.
