Ministrja e Shëndetësisë dhe Mbrojties Sociale Ogerta Manastirliu lajmëroi përmes një statusi në rrjetin social Facebook zgjerimin e fashave orare dhe hapjen e një seri aktivitetesh dhe shërbimesh, por në të njëjtën kohë ajo kërkoi më shumë vigjilencë nga qytetarët për respektimin e rregullave, për të mbrojtur veten dhe të tjerët.
Pas publikimit të këtij plani “Faktoje” shkoi në terren për të verifikuar masat e marra kryesisht në bare/restorante apo hapësirat publike sportive. Në pjesën më të madhe të bareve dhe restoranteve nuk ishte respektuar distanca.
Hapësirat publike për ushtrimin e sportistëve kishin mbledhur shumë qytetarë të cilët stërviteshin të pa shqetësuar për respektimin e distancimit social që kërkohet nga autoritetet.
Pamje nga Liqeni artificial
Po ashtu rrugët, parqet apo tregjet ishin mbushur me qytetarë të cilët nuk shqetësoheshin për distancën.
Për sa i përket muzeve dhe bibliotekave pavarësisht hapjes ato ende nuk e kishin nisur aktivitetet, megjithatë në hyrjen e yure ishin të vendosura masat që të gjithë qytetarët duhet të merrnin përpara se të hynin.
“Faktoje” shkoi në disa gjimnaze në kryeqytet, pas njoftimin për rinisjen e procesit mësimor për 31 mijë maturantë në të gjithë vendin. Më herët Ministri e Arsimit kishte paralajmëruar marrjen e masave për ruajtjen e distancës dhe respektimin e rregullave të parandalimit të Covid-19 për javët e procesit të mbetur mësimor për maturantët. Disa prej gjinazeve që vëzhguma ishin “Andon Zako Çajupi”, “Petro Nini Luarasi” “Ismail Qemali”
Ne arritëm të merrnim pamjet në mjediset e jashtme të gjimnazeve ku ishin vendosur shenjat për ruajtjen e distancës.
Edhe në gjimnazin “Siri Shapllo” në Gjirokastër po ashtu ishin vendosur këto shenja.
