Ina Allkanjari

Edmon Çata banor i Kombinatit, është një prej dhjetra qytetarëve që kanë dërguar ankesën e tyre në “Fakto dhe ti”.

“Ky është një ndër pallatet e destinuara nga Bashkia e Tiranës për t”u shembur, nisur nga pasojat e tërmetit të 2019-ës. Unë arrita mblodha të gjithë banorët e pallatit dhe kryem një ekspertizë private. Ekspertiza nxori një kosto që është shumë më e ulët se sa kosto që ka kalkuluar I punësuari nga bashkia. Me këto fakte, me këtë ekspertizë ne shkuam në gjykatë. Në meritë të këtyre fakteve, gjykata siguroi padinë tonë. Sot jemi në proces”, tregon për Faktoje.
Për të mbështetur familjet e prekura nga tërmeti i 26 nëntorit, Faktoje i ka përcjellë ankesat e qytetarëve të ardhura në “Fakto dhe ti”, në institucionet përgjegjëse në mënyrë që zëri i tyre të dëgjohet dhe të marri zgjidhje që kërkohet ligjërisht.

Nëse keni një problematikë të lidhur me procesin e rindërtimi, na shkuaj ne faqen www.faktoje.al në aplikacionin “Fakto dhe ti”.