Pretendimi: Ky imazh tregon agjentë të Byrosë Federale amerikane të Hetimit që kanë mbërritur në godinën e Kryeministrisë
Verdikti: Foto e manipuluar
——————————————————
Ethet e arrestimeve të zyrtarëve të lartë po ushqejnë edhe lajmet e pavërteta në rrjet. Një imazh që pretendon se tregon agjentë të Byrosë Federale amerikane të Hetimit (FBI) përpara godinës së kryeministrisë shqiptare qarkullon së fundi duke nxitur idenë e një trokitjeje në derën e kryeministrit.
Në të vërtetë, imazhi i mësipërm është manipuluar.
Me anë të motorit të kërkimit pamor Google Lens, Faktoje gjeti se figurat e agjentëve janë marrë nga një foto e shkrepur 13 vite më parë në New York, ShBA nga fotografi i AFP Stan Honda.
Agjentët në foto po hetonin një incident shtënie me armë më 24 gusht 2012, në New York, siç shpjegohet në diçiturën që shoqëron foton.
Figurat e agjentëve në foton e mësipërme u janë mbivendosur një imazhi të Kryeministrisë, siç vërrehet edhe në videon e mëposhtme:
