Pretendimi: BKH arreston Belinda Ballukun për abuzimet me tunelin e Llogorasë
Verdikti: E pavërtetë
Në 22 prill, në portalin timoni.al u publikua lajmi i arrestimit të zëvendëskryeministres dhe ministres së Infrastrukturës, Belinda Balluku në kuadër të një hetimi të nisur nga SPAK për ndërtimin e tunelit të Llogorasë.
Ky lajm sigurisht që nuk do të kalonte pa u vënë re nga mediat e tjera. Nga një vëzhgim në rrjet i faqes së saj në rrjete sociale rezulton se në fakt Belinda Balluku vijon e pashqetësuar fushatën elektorale dhe nuk duket të jetë në qeli.
Në datën 22 prill, kur pretendohet arretimi, zv.kryeministrja ka qënë në panairin “Ditët e Bujqësisë 2025”, mes shumë pjesëmarrësve, ndërkohë që dhe në ditët në vijim duket se ajo ka zhvilluar një sërë shfaqjesh publike në aktivitete politike të fushatës.
Pas një kërkimi të zgjeruar mbi informacionet e publikuara në media, rezulton se gjatë këtyre ditëve është raportuar që Byroja Kombëtare e Hetimit ka sekuestruar dokumentat për tenderin e tunelit të Llogarasë.
“Hetues të Byrosë Kombëtare të Hetimit (BKH) kanë ushtruar kontroll në zyrat e kompanisë “Hill Internacional HV”, në kuadër të një hetimi për disa vepra penale, përfshirë edhe korrupsionin. Kompania në fjalë, në bashkëpunim me “Net Group”, ka fituar tenderin për mbikëqyrjen e ndërtimit të tunelit të Llogorasë — tender i dhënë nga Ministria e Infrastrukturës.” – shkruajtën mediat në 24 Prill.
Lajmi për arrestimin e Belinda Ballukut është i pavërtetë. Verifikimi i burimeve zyrtare dhe i aktivitetit të vetë zyrtares tregon qartë se ajo nuk është arrestuar dhe vazhdon të jetë aktive në detyrë dhe fushatën elektorale të 11 majit.
