Atdhe Mulla është fotograf. Puna e tij fokusohet në peizazhin në shndërrim të vazhdueshëm të Kosovës së pas luftës së vitit 1999. Vepra e tij ka qenë pjesë e ekspozitave kolektive në Pragë, Bratislavë dhe Prishtinë, si dhe është botuar në shumë revista dhe botime artistike si Revista e Fotografisë Dokumentare “Ojo de Pez”, Madrid dhe “Revolver Revue” një revistë tremujore e cila fokusohet në veprën e artistëve bashkëkohorë që punojnë në Republikën Çeke. Ai është diplomuar në departamentin e Fotografisë pranë Shkollës së Filmit dhe Televizionit të Akademisë së Arteve (FAMU) në Pragë.
