Faktoje.al në 5 episode mbi zgjedhjet parlamentare të 11 majit 2025, do të sjellë një ballafaqim të kandidatëve nga listat e hapura, që garojnë në disa qarqe kryesore të vendit. Cikli “Ballë për ballë me faktet” nga Mimoza Picari synon të qartësojë publikun mbi programet dhe synimet për të ardhmen të dy partive të mëdha, të PS e cila prej 12 vitesh është në qeverisje dhe të PD në opozitë. E ndërsa socialistëve u duhet të prezantojnë edhe punën e mbi një dekade, si dhe synimet për të ardhmen, demokratët vijnë me një këndvështrim analitik mbi drejtimin e vendit nga kundërshtarët politikë si dhe me piketat kryesore të programit të tyre qeverisës. Çështjet më të debatueshme, mbeten ato që ndikojnë drejtpërdrejt në jetën e qytetarëve, si ekonomia, pagat, pensionet, shëndetësia apo reforma në drejtësi. Kandidatë nga disa qarqe të vendit, sjellin gjithashtu një qasje direkte se sa dhe si politikat e qeverisjes qëndrore kanë mbërritur në zonat që përfaqësojnë në këtë garë.