Episodi i parë “ Ballë për ballë me faktet” në Faktoje.al do të nis me qarkun e Tiranës që pritet të dërgojë në parlamenin e ri, produkt i zgjedhjeve të 11 majit, numrin më të lartë të deputetëve, 37 nga 140. Në preazantimin e parë përmes fakteve vijnë dy kandidate nga listat e hapura, Mimi Kodheli e PS në qeverisje e cila garon për një mandat të gjashtë si deputete dhe Jorida Tabaku e PD në opozitë e cila synon një fitore që do ta dërgonte për të katërtën herë në Parlament.
Znj.Kodheli dhe Znj. Tabaku ndajnë pikpamje të ndryshme mbi qeverisjen për aspekte kritike që ndikojnë në jetën e përditshme të qytetarëve si ekonomia, pagat, pensionet, çmimet apo integrimi. Debati mes tyre shoqërohet me disa pjesë nga programet e partive që ato përfaqësojnë.
